Note: English translation is not 100% accurate
حنا فيها
25 مارس 2015
المصدر : الأنباء
نصار الظفيري
حنا فيها ليش تضرب لي مثل
يعني حنا بالمحبة مبدعين..
حنا أكثر ناس عاشرنا الزعل
نرضى بالأيام ونزعل بالسنين..
ياخي مدري ليش ماعندي امل
اننا نوصل بلاد العاشقين..
مدري مني ولا منك هالخلل
ماني قادر أذكرك مره بحنين..
الخطأ موجود لكن بأي محل
لا انا ولا انت أصلاً فاهمين..
لا تقول شلون يدري من سأل
وانت ما يحتاج سيد العارفين..