الألف: الله خير اسمٍ عرفناه ثم الحبيب اللي على الاسم ثاني
الباء: بويبٍ بالجزيرة سمعناه چم واحد فيه اندفن عالي وعاني
التاء: تراني كل مسمعت ذكراه لو الكرى ما خذ عليَ عناني
الثاء: ثليم الشام بشويمي شلناه عز الحبايب يانظر عيني تراني
الجيم: جيبٍ بالمشي قلناه مشيت جريح ماله بالحب عاني
الحاء: حليم الطبع يا زين طرياه حلم الحليم اللي على الدرب فاني
الخاء: خناجر بالبحر زينهم عرفناه خنجر حبيبٍ ما يقدره عناني
الدال: دار الكاف ويازينها من دار فيها العجب يحضن عجبها أماني
الذال: ذهب أغلا المعادن بالأسعار ما ينجلي مثله على مر الزماني
الراء: ربيع الورد زينه بالأزهار أبيض وأصفر وأطلس اللون باني
الزاي: زينٍ فيه زين الأحرار ما يتسابق في عطاته العوالي
السين: سيفٍ والسيف مسلول بالعوالي علامات العلا علاها مكاني
الشين: شيخٍ والاسم له بتذكار ذكرى المهند والحسام اليماني
الصاد: صيدٍ ما تصيده ولا صار صيد القطا بالصيف صيف الحصاني
الضاد: ضبعٍ شينٍ هدام الأعمار اسمه يخيف الناس مع انه جباني
الطاء: طويل الطل حسبته الأمطار طلٍ لفجره عامر السُوالي
الظاء: ظلٍ يظل فجره إظلال إظلال ظلٍ ما سوا ظلالي
العين: عين المها شد الأبصار مدري ولا أدري أي ظرفٍ زماني
الغين: غيمٍ بالسما يمطر أمطار منه بردٍ يازين صباه بن ثماني
الفاء: فالٍ على أهل البوادي فال فالٍ يعت صاحبه وفالٍ له موالي
القاف: قوري يسعد إبشربه الأخيار خيرٍ مضى وخيرٍ على كل عمي وخالي
الكاف: كلٍ له الزود أخبار أما الكذوبي كذوب الكذب عنه شمالي
اللام: لوما عزيمة الرجال والإصرار منزرع النخل في شوارعنا طوالي
الميم: مريم عبدالله بن صباح الجميلي مؤسس الدولة الأول وتالي
النون: نورٍ شع بالكتب أنوار مهما إنكتب دونه على الدرب ساري
الهاء: هذا الكتاب اللي شيّخ الأمصار منه على التوحيد في باب الجمالي
الواو: واوٍ ما تسمى له الجار و واوٍ على كل الحروف يوالي
الياء: يا كويت شديتي بأفعالك الأبصار للعرب فخرٍ وينِّشد فيها التباهي
شعر عبدالرزاق محمد صالح العدساني