اليوم أترك مساحة المقال إلى صديقي الأستاذ الدكتور هشام البدري أستاذ ورئيس قسم القانون العام بجامعة المنوفية والمحامي بالنقض والدستورية العليا، وأعتبر ما حدث معه «رسالة» الى وزير النقل والمواصلات كامل الوزير بضرورة الاهتمام بتطوير «البشر» حتى ننهض بمنظومة السكك الحديدية كلها.
يقول أ.د.هشام البدري:
حجز لي صديقي تذكرة القطار لرحلتي (القاهرة/أسوان) من شباك التذاكر بمدينة أسوان، وصوّر التذكرة وأرسل لي الصورة، وعندما هممت بالركوب استوقفني مسؤول العربة ليفحص شخصيتي ومدى وجود حجز.. فتحت هاتفي لأريه التذكرة، فرفض بشدة قبولها.
وقال: أنا عاوز تذكرة ورق؟!/ يا فندم فيه حجز باسمي وتم باستخدام بطاقتي وبياناتي الرسمية ورقمي القومي./ ما يلزمنيش.. فيه تذكرة ورق زي دي تركب (وأظهر لي التذاكر التي في يده)، مفيش تذكرة أنا آسف!/ طيب شوف.. المبدأ أني لي حجز لتذكرة بـ 800 جنيه باسمي ورقمي القومي لكابينة فردية.. وده مش محل خلاف.. وأنت عاوز تذكرة وده موضوع محل مناقشة.. تسمح لي أركب وبعدين نتناقش ونحلها، بتجهم شديد فرد ذراعه مشيراً ناحية الباب ليسمح لي بالدخول.. تحرك القطار.. وبعد دقائق أتى الموظف، ودار الحوار التالي:
٭ هاتدفع 5% غرامة عدم وجود تذكرة../ لو أنا ارتكبت خطأ هادفع./لا كده أنا أجيبلك رئيس القطار./ أتى رئيس القطار متجهما مستثارا متحفزا، وأشار إلى كشف في يديه: غرامة 5% لو سمحت./ أجبته: ليه؟ رد: دي التعليمات، قلت: غلط.. مش منطقي، أجاب: الكلام ده تقوله للي فوق، تساءلت: طيب غلطتي إيه؟/ رد: غلطتك إنه مفيش تذكرة!
حاولت الشرح: يا فندم إحنا بعد تطوير أنشطة شركة سكة حديد مصر بقينا نتعامل أونلاين وندفع بالفيزا، وحضرت بيكون عندك بياناتي؟!/ رد: أصل حضرتك قاطع التذكرة من الشباك يبقى لازم التذكرة الورق.. لأن الحجز من شباك. التذاكر مش بيتبلغ ليا.. غير ما تكون أونلاين.
قلت له: يعني الموظف في الشباك من كل مصر مش بيبلغك بالحجوزات على رحلتك؟
رد: لا طبعا!! وأضاف: أي زبون يضيع التذكرة يتعاقب.
قلت: عيب الألفاظ دي، زبون وأتعاقب؟،.. رئيس القطار: كان لازم تخلي موظف الشباك يبلغ الشركة بالحجز.
تعجبت: نعم؟ هو أنتم مش بتعملوا ده بشكل طبيعي بجد مش بيبلغ الشركة؟ أجاب: لا طبعا.
قلت: يعني كل واحد منكم في جزيرة، طيب معنى كده أن موظفي الشبابيك ممكن كل واحد يحجز القطار كله من شباكه والأونلاين يحجز هو كمان وتتعدد الحجوزات على الكابينة الواحدة والركاب يتصارعون مين يركب؟!
ولم أدفع الـ 5%، فأشاح رئيس القطار بيديه بأسلوب متجاوز، وغادر.
وكانت المفاجأة أتى مسؤول العربة وقال لي: يا فندم أنا عارف انك حاجز.. مش انت فلان الفلاني برقم قومي كذا؟
أجبته: نعم؟ جبت البيانات منين؟
ما هي متبلغة لي أهه.. وأشار لكشف في يده فرأيت اسمي وكامل بياناتي!!
يا معالي الوزير.. مازال أمامك الكثير.. أعانك الله!
وحفظ الله مصر وأهلها من كل سوء.
www.hossamfathy.net
Twitter: @hossamfathy66
Facebook: hossamfathy66
Alanba email ID
[email protected]