مساجلة شعرية بين زيد و جبران

* مساعد: يا حامد آخر معركة بيني وبين أهل المرور                         كلن بحث عنها بين الخلايق سدها من كثر ماتبني لي الايام سور أصبحت سور                         احفظ بقايا ما بقى والواردات اصدها *حامد: يا بومحمد مايغط النور رجال غيور                         عد القصيدة لعنبو من يبيك تعدها خلك على خبري كذا ما تحسب حساب الحضور                         والكلمة اللي يستحي منها لسانك بدها * مساعد: الوقت مايكشف خفايا مستواه الا جسور                         واللي يوديها وفيه الخوف صعب يردها انا اعتبرها صايبة لو ضيقت بعض الصدور                         أهل القلوب السود ما فكرت ابكسب ودها * حامد: ما يحتمل ظلم العباد من الرجال الا صبور                         هذي يدي مديتها لك هات يدك ومدها ثارت قلوب أهل الحسد ولا عساها ما تثور                         الرجل ودك ما يقول الكلمة إلا قدها * مساعد: يا حر لو طارت وراك طيور فانت من الطيور                        لكن فعلك غير والهزلات منتب ندها عيون ننظرها حقيقة ثابتة وعيون عور                       وانا ما افكر بالعيون اللي قريب حدها * حامد: ما اقول فيني زود بس اقول ما فيني قصور                       ويا كثر ناس ودها فيني ولا هو ودها حتى الصبي اللي هناك ان حب فرقاي معذور                       شف من متى وانا عذاب اللي رهيفن خدها * مساعد: احذر ترى النعمة تزول اما لقت عبد شكور                       كانك تفكر فالعباد اللي تمايل شدها خلك بحالك والمشاريه الكبار الها عبور                       واليا اختلفنا بالحقايق كل فرصة لدها * حامد: انا ادري ان الشكر لله وادري الدنيا تدور                       مير العرب ما عاد نعرف كذبها من جدها احدن يمن بمدته حتى لو يعطيك شور                       واحدن يمن بحاجتن لو هي معه ما مدها