مفرح الشمري
بسرية تامـة. . تستـعد المذيعة مـها محـمد لتـقـديم بـرنامج تلفـزيوني منـوع في شـهـر رمضان المقبل بعـد ان اتفقت مع احدى القنوات الفضـائية العـربية على انتـاجه من الألف الى الياء.
وكشفت مها لـ «الأنباء» عن فكرته حيث قـالـت:
البـرنامج فكـرته وايد حلوة وغــيـر مسـتهلكة ويتماشـى مع ليالي شهر رمـضان، وللحين ما اسـتقـرينا على اسمه الـنهائي بس راح استضيف فـيه عدد من النجوم من الخليج والعرب على الهواء مـباشرة، وأتمنى ان ينال اعجاب المشاهدين.
وين راح ينعرض؟
مـاراح أقـول اسم القناة اللي راح ينعـرض عليـها هالبرنـامج وهي قناة فضـائية عـربية مشهورة الكل يتابعها.
طيب ليش ما قدمتي الفكرة لتلفزيون ديرتچ؟
هالبـرنامج يحـتـاج ميـزانيـة مـفتـوحـة وتلفزيون ديرتي ما اعتقد انه راح يقدر ينتجه ويتكفل بأجور ضـيوف البـرنامج اللي عددهم أكثر من 20 فنانا وفنانة.
يعني راح تهدين التمثيل؟
لا مـاراح اهـده وراح اشـارك في مــسلسل اجتماعي من انتـاج نايف الراشد اللي شاركت معاه في رمضان الماضي فـي مسلسل «صاحبة الامتياز» واللي حقق نجاح وايد حلو في عيون المشـاهدين، خـاصـة ان دوري فيـه كـان دور الفـتاة المتـزنة ولله الحمـد وصلتني اطراءات حلوة عـن هالدور وهالشي هـذا اللي خــلاني أوافق اني أعيد التجربة في رمضان الياي مع نفس المنتج.
اشمعنى مع نفس المنتج؟
لأن للأمانة ما قصـر معاي بشي ولا مع الـفنانـات المشــــاركــــات في هالمسلسل، بالاضافة الى ان تعامله وايد حلو واللي يهـمـه مـصلحـة العمل مو مصلحتـه الشخصية، وهذا الأمـر انعكس على نجـاح المسلسل.
تفاصيل الحوار في ملف ( pdf )