عضلات
ممثل شاب طلع بچم عمل قاعد يستعرض عضلاته في البي بي بإهانة ربعه بطريقة عجيبة والمصيبة رسايله لهم يطرشها برود كاست علشان الكل يقراها.. والله عجيب!
اجتماعي
مقدم برامج حاشر عمره في موضوعات ما له شغل فيها وقاعد يعطي مواعظ وعبر للصحافة في مؤتمرات الفنانين ويعتقد نفسه «مصلح» اجتماعي بين الصحافة وهالفنانين.. الحمد لله والشكر!
ظروف
المطربة رويدا المحروقي بررت تأخرها عن مؤتمرها الصحافي لظروف خاصة مع انه الجهة اللي مسوية المؤتمر قالت للزملاء ان السايق الهندي ضيّع المكان.. مسكين هالسايق شايل بلاوي غيره!