سوسة
ممثلة صايرة هالايام «سوسة» قاعدة تنقل حچي لأحد المخرجين على أنه هالحچي قايلته زميلتها عنه وبعد ما واجهتها هالزميلة نكرت وبچت.. الشرهة على هالمخرج اللي يسمع كلامچ!
ندم
ممثل ما «سمع» نصائح ربعه بعدم التعاون مع أحد المنتجين اللي رافض يعطيه حقوقه وقاعد يعض أصابع الندم انه تعاون معاه.. إذا فات الفوت ما ينفع الصوت!
أمل
ممثلة كان عندها «أمل» بالمشاركة في أحد الأعمال الدرامية بس أملها خاب لأنه مخرج العمل اختار غيرها من غير ما تدري.. الله يعينچ!