مؤتمر
ممثلة خليجية «حست» انه الصحافة هالأيام ما تسأل عنها فقررت انها تسوي مؤتمر صحافي في أحد المطاعم علشان تتحچى عن أعمالها اليديدة.. الله يشفي!
كويتي
مقدمة برامج هالايام تبي ترد حق برنامجها اللي قدمته في احدى القنوات الخاصة والمصيبة قاعدة «تحن» والمسؤولين ما يبونها لانها ما تعرف تحچي كويتي مضبوط.. خيرها بغيرها!
فلسفة
مذيع في الاذاعة وايد يتفلسف في طرح اسئلته على ضيوفه لدرجة انه بعضهم يزهقون من هالفلسفة الزايدة ومشكلته ما يدخل بالسؤال على طول.. الله يعين المستمعين!