بشار جاسم
محمد الدغيشم مذيع مثير للجدل في اسلوب تقديمه، يكلم المستمعين بميانه خاصة بينه وبينهم وهو الصديق المقرب للعديد من الفنانين، وحاليا يقدم برنامج «المرش».
«الأنباء» دردشت مع الدغيشم وحاورته بالعديد من الامور، واليكم التفاصيل:
محمد حاليا تقدم برنامج «المرش» ما تعتقد ان الاسم مو ماشي مع فكرة البرنامج؟
اولا احب اشكر ابوي اللي اختار لي هالاسم، وثانيا بالعكس الاسم مع الفكرة، لأن معروف ان «المرش» يرش نقط ماي الورد وبرنامجنا يرش الكلمات اللي محتاجة حل ما بين المفرد والجمع، والحمد لله ردود فعل المستمعين وايد حلوة والبرنامج آخذ الطابع العائلي.
انت شايفه ناجح بصراحة مثل بقية برامجك؟
شوف لو تلاحظ ان الكل قاعد يشارك واهما ما يدرون شنو الجائزة واحنا من بلشنا بالبرنامج بشهر رمضان، وانا ما اعلنت شنو الجائزة، والحمد لله الناس حابة انها تشارك والحلو بالموضوع ان برنامج «المرش» اهو اول برنامج يخلي الفايز والخسران مستانسين وهذا هدفنا بالمارينا.
عمرك شفت احد يقول انا فلان وانا خسران واهو مستانس (يضحك).
شرايك باللي يقولون ان الدغيشم في هالبرنامج دمه ثقيل؟
ارضاء الناس غاية لا تدرك والحلو اني المذيع الوحيد اللي يسولف مع المستمعين او المتصلين وكأنه يمون عليهم او قاعد معاهم ولما أكلمهم اكلمهم كمحمد مو كمذيع وهم اللي يقول عني دمي ثقيل قاعد يسمعني، وهذا الشي صعب انك تجمع اللي يحبونك واللي ما يتقبلونك في مكان واحد، لأنك اذا ما تحب شي ما تنجبر انك تتابعه، لكن الحمد لله محمد الدغيشم كسر القاعدة.
وليش ما شفناك تقدم بالتلفزيون مرة ثانية؟
المرة الوحيدة اللي قدمت فيها بتلفزيون الكويت كانت لها مناسبة واهي اليوبيل الذهبي للخطوط الجوية الكويتية وكانت الفكرة مدروسة صح، والاعداد حلو وشاركتني التقديم الرائعة ايمان نجم وهم الاخراج رهيب واذا ياتني نفس هالفرصة راح تشوفني على طول اقدم بالتلفزيون.
تفاصيل الحوار في ملف ( pdf )