عبدالرحمن الهاملي.. شاعر شاب رأيناه في «الواحة» وهو ينثر عبق شعره على صدور المتلقين... الهاملي شاعر جميل جدا.. نجد في قصائده.. إحساس عذب قلما نجده في قصائد الشباب.. شاعر واستطاع وبقوة تأسيس قاعدة جماهيرية له.. تتابع قصائده بكل شغف.. ومحبة. الهاملي.. نجم قادم بقوة:
رح فمان الظلام ووحشته.. راح انام
أمس نايم، ، وأحس إن لي سنه ماغفيت
ما يفيد العتب خل العتب والملام
لو يفيدون قدرت المحبه وجيت
غمض عيونك النعس وشوف الظلام
كيف مني، تحديت الظلام وسريت
كنت أحبك كثر ما بالكلام الكلام
وكنت خايف كثر ما قلتها واستحيت!
يوم كان الضما عادي وكلك غمام
لو رويتك ضميت ولو ضميتك رويت
كم تمنيت أشوفك لـ النهاية ختام
وكم تمنيت ما اقول بحياتي ياليت
هذا انا عقب ما ودعت سرب الحمام
قلت أودع عيونك وأنتهي.. وابتديت!
جيت ابنساك وانسى التضحية والغرام
ورحت أبنسى ولكن مثل ما رحت، جيت
عبدالرحمن الهاملي