عبدالله دليهي - a_el2012@
الناس صارت تحسب المدح تجريح
شانوا لو ان العولمه.. طورتهم!
والآخره تشكو من الناس وتصيح
ليت البشر تدرك حصاد ألسنتهم!
واللي على هفواتي تكن وتبيح
عشان ماني متجه مع جهتهم!
أقولها وأصرح الأمر تصريح
عندي ثقة ماهي بتشبه ثقتهم!
أنا ليا وقفت صعب اني أطيح
وان طحت هديت الجبل من تحتهم!
وأهل المصالح قد نصوني مشافيح
وما شفتهم من خلصت مصلحتهم!
ربع السعه وعيال عم المفاطيح
الله لا يسقي ثرا معرفتهم!
يابعد فرق العود الأزرق عن الشيح
جهال.. بقعا ما بعد درستهم!
شفي الرجال الطيبين الطحاطيح!
اللي العلوم الغانمه من صفتهم!
ان سولوفوا عن الرجال المفاليح
ما ودك انها تنتهي سالفتهم!
راحوا بسرعة كنها سرعة الريح
بس العرب من طيبهم ما نستهم!
الأرض أزرت لا تشيل الزحازيح
تضايقت من ثقلهم وادفنتهم!