جيتك جزالة والقصايد حكيمه
تبقى مواويل الشعر فيك ثاره
تطلب هلا فيك الحلا يا كريمه
وانا بدوري بان شوقي مساره
بيدي قلم يرسم علم يا عظيمه
اتعب بلونه لين اشرق شعاره
كويتنا في عزها من قديمه
اجدادنا اهلي ربوعي بداره
نزرع غلا فقلوبنا من صميمه
نحصد وفا يبني معالي جداره
ادري صبــاحــك غـيــــر ادري وسيــمـــه
ذاق المسا صبحك وأحسد نهاره
فيك الكرم فيك العطا فيك شيمه
فعلك يسابق كلمتك في قراره
رمزك عدالة بين سينك وجيمه
مثلك بلادي عشتها في طهاره
يحكي بها تاريخ قدرن وقيمه
في مجدها عاشت وعاشت حضاره
داري بلادي مسكني لك حشيمه
افدي بها روحي وما هي خساره
إبراهيم الخطيمي الخالدي
صفحة الواحة في ملف ( pdf )