مشاري البرازي يعود في كل مرة بنص أفضل من الأول، شاعر متمكن.
وخطير ويستطيع عسف المفردات على هواه بطريقة فنية غير عادية.
نقدم لكم نجم الواحة مشاري البرازي في هذه القصيدة الحصرية من جديد والتي تحمل نفسا جديدا لا يجيده سوى البرازي مشاري
الليل... والهاجس... وحسٍ مهمله
والحبر.. والقرطاس.. والخافق صويب
والشعر... والشـاعـر... وجــرحٍ ينقله
وذكرى على بالـه تـجـي نوب وتغيب
والـوقت... للعاشق شحـيح ومبخـلة
مــادام يـاقـف... بيـن عيـنه والحبيب
كذا... كذا هــي الحياة..... متداخــلة
لا جـــا فــرح... يقفاه حـزنٍ ما يطيب
لا من لمحت أمسي وهـمٍ ما أجهله
والضيم والغربــال... وأشياءٍ تـريـب؟
شفته!..... وخفـتـك ياللـيـال المقبـلة
من قبل عيني ما تشوف اللي يعيب!
لا جاتني.... أهموم اللـيـال امجـندله؟
العلة اللي... مــا لـهـا طـب وطبـيـب
يـــا صــاحبي..... يغـلا لـقــا استقبـله
يـــا عنفوان الحـب... يــا عــودٍ وطيب
يـــا حــلم قلبي فالصبا... ومستقبله
ويـــا نور عيني فالعمر وقت المشيب
ويــا (قلـب قلـبي) يــا غـلا يــا مكملة
ويا (روح روحي) ياحظوظي والنصيب
لا شفتني بالضـيق لــي درب وصـله؟
أقطـع مــواصيله... وقـربني قــريــب
لـنـي تعـبـت الـيـوم كـتـم الأسئــلـة
ما عاد أقوى صمت قلـبـك فـالمجيب
يا صاحبي... باقــول لـك مــا أحـمـله
وسط الحنايا.. مــن شعـورٍ مـا يخيب
وأنت الـذي.. فالبـال والخــافي قــله
مـا عــاد فيها... والـرجـا باللي تجيب
المشكلة.... مـا هيب أشواق وولـه؟
أو طعنةِ شابت.. وجرحٍ لي عطـيب؟
المشكلة..... قربي يسبب مشكلـه!
والمشكلة بُعدك عن الخافق صعيب!
الشوق.. !
ونقدمه في نص آخر يثبت أنه متمكن من القافية ويستطيع أن يكتب على أي شكل ولون
الشوق له في محجر العين قصه
يـــروي تـفـاصـيل الجفا والتفاريق
والقلب ينـصـت والمـواجـع تـرصه
كـنـه يـجــاوب نـايحـات الغـرانيق
أبـــدا ف مشواري وعــوّد بنـصـه
والحـظ واقـف فـالدروب المغاليق
وأخفي عــن العالم حـديثٍ ونصه
أن الحـنـايـا كلـهـا لــه مـشافـيق
يـا قلـب لك فهموم الأوقات حصه
أخذت مــن حزنه صكوك وتواثيق
أبطـيت تمـشي والأثـر لـه تقصه
والأرض عـاصفها هبـوبٍ مـدافيق
ضيعتني وضيـعـت درب المنـصه
من عقب ما كنا بعال الشواهـيق
مـا قلت لك يا من خفوقي يخصه
بالحـب والتقدير وكــل التشاويـق
يـا بـــو ثمانٍ صــف لـولـو وفصـه
يـا عـــود مــوزٍ مـذهـلٍ النواطيق
يـا من بذكره لاعت القلب غـصـه
ثم طاح في كفي وخلا المعاليق
مسروق قلبي وحالفٍ أنت لصه
ما دام ضلعه فز فزت مسابيق
اسمع ندايه... والخبر استقصه
مالي أنا... بمجاملات المخاليق
مادام حبل الوصل بيدك تقصه
وتغيب.. وتجيبك علي الطواريق
وصيت قلبي وأنت خافقك وصه
لا جيت في باله ! دعا بالتوافيق
مشاري البرازي
صفحة الواحة في ملف ( pdf )