مصافحة أولى لجمهور الشعر في الكويت من الشاعر عيد بن حمد في قصيدة مميزة تتفتق رومانسية حالمة يصف فيها آلام ومشاعر من يفارق مرغما دون اختيار.
اسري وهواجيس قلبي تخنق العبره
اداري هموم صدري واذكر احزاني
اما شمال بنسرى ولا ابو سمره
ماهمني كان هم القلب سراني
والخافق اللي يحبه مانسى ذكره
كل ما تذكرت قلت الله لا يبلاني
ياحزن قلبي حزن فهد على جبره
وياشيب عيني على حب لهاشقاني
مافيه اقسى شعور بقسوة الحسره
لا جيت ابوصف شعوره يعجز لساني
على وليف قسى في صده وهجره
ياقو قلبه على هجري ونسياني
بسمته زينه بقايا شوق من عطره
تذكار من حبه اللي لجله اعاني
كان الوحيد اللي قلبي ماخذه عذره
كان الوحيد اللي هلت لجله اعياني
عيد بن حمد آل ثاني