قوم ياصوتي المليان جرح وعذاب
وزع النور خل الناس ترقى فكر
جيت مثل الحقيقة يا وجيه الغياب
اكبر بـ عين نفسي يوم قلتوا صغر
لوكتبتوا ترى كل القصايد تراب
ولو ابسكت ترى صمتي لحاله شعر
ممتلي خوف، وحده، بعثره، اكتئاب
ودي اهرب من اوجاعي ومالي مفر
وجه الانسان دايم عن حياته كتاب
شوف وجهي وتقرأ به رحيل وقهر
ماحسبت الـ دقايق رحلتك اي حساب
لا تقول الصبر ما كان عندي صابر
طحت مثل المطر، ودعت هذا السحاب
وارتوتني جروح الارض سبر بشبر
حلم الايام راحل والمحبة شباب
كيف بمشي ورمل الارض اصبح جمر
كل نظرة من عيون الاماكن تهاب
دايم تخاف تلقى لك بـ دربي أثر
كنت أشوف وطن في زحمة الاغتراب
كنت أشوفك عمر ترضى يضيع العمر