قال الشاعر مطر مفضي الشمري قصيدة في الكويت وأميرها:
أم حنونه عايشين بخيره
في حضنها ماحشانا برد وحرور
اسمه كبير وبالمساحه صغيره
عند الدول وقت اللوازم لها دور
أم حنونه لونها تقل نيره
يستاهله شيخٍ به الطيب مذكور
هي الكويت اللي عسى الله يجيره
الله يفكه من صواديف وشرور
صباح الأحمد شيخنا وهو أميره
هو والصباح اللي لهم يرجع الشور
وصباح الأحمد دوم بأمره يديره
والشعب في حمه مكيّف ومسرور
ونواف الأحمد ولي عهدن لأميره
ولي عهدن له به الطيب مشهور
شيوخنا جعله لشعبه ذخيره
دورٍ لهم وقت اللوازم لنا سور
الشعب مخلص مع بلاده وأميره
ببلادنا وقت اللوازم لنا دور
ضد العدو وأهل الوجيه الشريره
واللي نوانا بشر ماهو بمسرور
وختامها بذكر الولي بكل ديره
اللي خلق بالقاع من بر وبحور
صلاة ربي للنبي في مسيره
محمد شفيعٍ لأمته دوم مسرور