مرام: القرقيعان انقطعت عنه!

زاوية نسلط الضوء فيها على أهم العادات التي كان يحرصون عليها نجوم الفن والإعلام في جميع أنحاء العالم العربي وحاليا انقطعوا عنها. خالد السويدان اكدت النجمة مرام في دردشتها مع «الأنباء» ان شهر رمضان من الاشهر الجميلة التي تحلو فيها زيارة الاهل والاقارب ولكنها بالوقت نفسه تشعر بالزعل لانها لم تعد «تقرقع» حاليا وذلك للاسباب التالية: شنو العادة اللي بالنسبة لچ كنتي تسوينها في شهر رمضان وانقطعت؟ ٭ والله رمضان كله حلو وكل زمن له عاداته والله لا يغير علينا ولكن يمكن من الاشياء اللي احس انها انقطعت بالنسبة لي هيا القرقيعان اني ما قمت اقرقع وهالشي تحول حق بناتي اني اهتم في قرقيعانهم ولكن الحمد الله انا مؤمنة بأنه كل زمن له وقته والحلو انه الواحد ما ياخذ زمانه وزمان غيره. تستانسين ليما يمرون اليهال بيتچ وهم يقرقعون؟ ٭ اكيد واحرص على ان اعطيهم من قرقيعان بناتي واتذكر ساعتها ليما كنت اقرقع مع بنات الفريج وما نخلي بيت ما نمر عليه علشان يعطونها قرقيعان ايام حلوة وبسيطة ومليئة بالحب. وايامنا الحين؟ ٭ شفيها.. شرايچ فيها؟ ٭ كل ايام ربنا حلوة بس المشكلة بالبشر اللي عايشين فيها والله يحفظ لنا الكويت من كل مكروه وعساها دوم ايامها حلوة.