أفاتار AVATAR

محمد بن فطيسMuhammadbfetais@ في هذا العدد اخترنا قصيدة«أفتار» للشاعر محمد بن فطيس، وهي صورة انعكاسية على مدونته في موقع التواصل الاجتماعي تويتر وبن فطيس شاعر دخل قلوب الملايين من البشر عبر إبداعاته التي تطرب الأفئدة قبل المسامع فتشح الكلمات عن وصف شاعريته الفذة، وبهذه القصيدة يعبر بنا في بحور شعره العذب: سولفوا تكفون لا عاد تسكتون                            قبل لا أهوجس وياتيني بلاي السكات يزود طعوني طعون                         وتنكسر لا جا على راسي عصاي سولفوا لو ما بغيتوا اتسولفون..                              قبل لا اقعد في الحزن رايح.. وجاي واضحكوا لو بالعماله تضحكون                               وجاملوني لو يضايقكم حكاي لي وليف راح جعله ما يهون                             هو دواي وداي.. أو داي ودواي راح لكن طيف زوله في العيون                             مرة قدامي ومرة وراي وإن سكتوا جا وهو طيفه يمون                              رحت أهوجس له وأبين له ولاي مكسب عيوني من الفرقا مزون                                تمطر لطاريه.. والبرق؟ أصدقاي كل ما طروه لو هم يمزحون                            ..احرموني من غداي ومن عشاي أدري إنه ما تناسى الود كون                           تسمع إذنه في قفاي اللسن عداي وكانهم قالوا نسيته يكذبون                            وإلا أنا فيه أمتلك نظرة وراي كان حبه لي على خبري مصون                            والله ان كني بقدري.. وبغلاي ذي بقايا الحب وأطلال الجنون                             والله أعلم في ضميره وش بقاي غير طيعوني ولا عاد تسكتون                              ولا والله إن أسمعكم بكاي