Note: English translation is not 100% accurate
طاح الزعل
1 فبراير 2014
المصدر : الأنباء
ناصر بن دهيم
طاح الزعل طاح والحرمان ما له مكان
ولشوق منك وصل وأنا الوله والحنين
يقهرني البعد ويجدد جروحي الزمان
والذكريات القديمة صرت منها حزين
أرجع على اللي مضى من الشوق ولا الحنان
وأنا أتذكر وأصفق باليسار اليمين
القلب ينبض غلا والبعد بيت الهوان
والعين تبغى اللقى في عالم العاشقين
يا طول وقت الجفا يا مطرق الخيزران
روحي وأنا الله معي والشوق جرح السنين
الشك موت الغلا والحب ماله أمان
والكسر مثل الرجا اللي من ورا المدبرين