للأسف!..

ما الله عطانا من مكثرة النحيب نبخص نواياهم وندري ونعرف ما فيهم مهلهل ولا منهم كليب كثرة مناحتهم على قلة شرف نقصر خطاوينا عن الدرب المعيب وبالماقف اللي يبهج الخاطر نقف ونقدم على زم الثقيلة ما نهيب ونموت ما تاطا لنا الدنيا طرف نطيب لو عيت ليالينا تطيب فضل من اللي جمل الحال ولطف وغصبٍ عليها كأنها خربت صليب وان جات والا ما نلحقها حسف ونحضر بالأوقات العصيبة ما نغيب وتطيع معنا!! وهي ملعونة جدف! كم خاب ظن كنت اظنه ما يخيب وكم باروا الأصحاب فينا للأسف وكم صالفت بقعا عساها للذهيب وفي عز شدتها.. قلبناها ترف!! مساعد الرشيدي