Note: English translation is not 100% accurate
شباك صدرك
25 نوفمبر 2010
المصدر : الأنباء
عيش وحدك..
كن معك واحيان ضدك
افتح ايدينك مواني للسلام
لا تنام
إلا والبسمة وسادة
خذها عادة
يمكن تحس بأمان
انسى روحك
انسى ماضيك اللي كان
وحتى لو نبضك سأل
ويش حصل؟
اصحى قلبك .. يعترف له
ويش فيك ساكت
افتحه شباك صدرك
واطلق الزفرات يمكن
في المدى يرحل سكوته
كن حياته ولا موته
واسمعه لو راد يحكي .. انتبه له
وكون فاكر
الوجع لك ..
وللفرح ناسه وأهله..
منتهى القريش