جيل الثمانينات

محمد المسعري.. الخطير.. هنا شاعر استطاع ان يكتب ما لا يستطيع أي شاعر عادي كتابته، أسلوبه الشعري ميزه.. مساحاته الشعرية ممتلئة بالماء والعشب.. عندما يكتب شعرا تغني له الأفئدة وتطرب له الآذان. المسعري شاعر من النوع النادر.. ويصافحنا هنا بنص أقرب ما يكون للذوائق المتميزة.. قال فيه: تحب القلوب قلوب تعشق.. بدون قيود ولا تكره الا قلب مطغيه حب الذات قطعت الدروب المتعبه.. ما قطعت وعود ولا فاتني.. شكر الليالي على اللي فات على كثر ما حسيت بين القلوب/ حدود أبضحك وازعل حاسد وعاذل وشمات حسبت المحبه كلمتين وعتب وورود قبل لا اعشقك بسكات واعاتبك بسكات وقبل ما انفرد باحساسك الطاغي المجرود واشوف بعيونك كلمة (إقصد).. وكلمة (هات) وفتحت الضلوع وقمت اغني هبوب النود ولقيت ببهاك.. ابداع جيل الثمانينات تهب بتمثناك النسايم ودهن العود ويفوح بحروفك شيح من روضة التنهات ويضيع الخفوق براحته.. بالوساع السود ومهيب اول الضيعات.. ولا آخر الضيعات اجيب القصيده.. ما لحقها ولا منقود ولا جيت لك.. ما تطري الا ثلاث ابيات على عنق ظبي.. وليل ما به نجوم.. وعود يا صعبه ببدع المبدع.. وفي يد النحات تكرم قبل لا يدرج اسمي تحت مفقود لو اسمك مسجل بأول وبآخر الصفحات من الشوق.. ولا طلتك؟ ما عليها زود يا من تزرع ببسماتي الذبل.. البسمات تعال انت كلك.. جيت الضايق/ المحدود بكامل شعورك.. لا تجيني على دفعات تراك أول احلام العمر.. يا آخر العنقود وترا ساعة غيابك.. ما هيب ابرك الساعات ولا جيت.. تخفي شوقك المرهف المعهود تقل الوجيه.. وتختفي معظم الاصوات احبك ولا لي غير الاربع حروف.. شهود سوا نبرتي لا قلتها.. ويش اجيب اثبات؟ اخاف يغدي قلبك.. بدرب مهو مسدود ولا يذكر.. ادفا وأصعب وأجمل اللحظات وياخذك ظنك من يدين الوصل.. ويعود نهار.. تتثاقل فيه حتى اسرع الخطوات محمد المسعري