دونك كلامي

سريت والصبح توه ما ضحك للعيان                وعقارب الشمس تستنهض شماريخها وصلت/ أظني وصلت حدود بر الأمان                   إن شافت الهند مسلمها مثل سيخها عيت ذلولي تنوخ بدشة من طمان                            وأنا تحيرت مدري وين تنويخها (عنزتها) (راس لاهة)، واعتليت المكان                         أصيح للقوم واستفزع مطانيخها ماني بـ... ضاري ولا بجديع راع الحصان                ولاني بفارس (هل النخوة) ولا شيخها ولاني موكل على غيري ولاني لسان                    باسم القبيلة ولا الناطق بتاريخها لها قمرها ليامن شع نوره وبان                           أولابها من عطاردها ومريخها لكني أنقل بشعري ما يهز الكيان:                      رسالة اللي همومه زاد تفريخها يقول: من جور فقري صار ضعفي هوان                    والجوع ظلما تقادح لي صلابيخها وصل ربوعي سلام وحيهم بامتنان              وذكرهم إن البدو تشفق على ذيخها لو (افزعوا لي)معاد ابغى بطاقة ضمان                  ولا احتاج بندورة الصدقة وبطيخها دونك كلامي وحطه حلقة بالاذان           يصم الاسماع لو ما أسهم بتصييخها «جماعة ما تعزك لا وطاك الزمان           ما تذهب الجوع صفحة من تواريخها» محمد صفوق