أغصّ ف برد يا إنتي ولاتدرين..!!

هــــزيـنـي أبـرجـع طفل يـاإنـتـي قبل ماالشيب يغزيني أبــــرجـــع طـفـل يتوسد حنان يديك وأبـــــي مــنـك.. تـحــــــازيـنــي!! تقول لي قصص غير الكلام اللى عرفت وسولفوا لي ناس تقول لي حـــديــث الـلـيـل لـــ الـفـانــوس بـ دفــــــا انــفـــــاس ابي قصه عشان آنام كأني من زمن مانمت كإن إغماضة عيوني بجفون أوهام قـــولـــي لـــي قصص فيها دفا يهرب وراه البرد وحكايـة نــــــرد وبكاء الشمع ف غيابي وذبــول الــــورد قولي شي أية شى مايبقى وراه الدمع يسوّر هـ المدى بـ الما قولي شي يعني ضي يعري كل هـ الظلما ودفّـيـنـي أنا محتاج بس النور عشان أدفا وسواليفك فوانيس الحديث العذب وحزن أوركــيــد وكأن الكون من قبلك حكايه كذب وفقيرة أيـــد قولي شي يطير كل عصافير الحزن عني إلى الآفــاق ويقلع هـ الشجر مني ويتركني غصن مكسور بلا أوراق قولي شي اية شي.. يدفيني وغـفـيـنـي سواليفك تدهدهني وأيــدك بـس تشبـهــنــي دفا وأشواق هــزيـــنــي ذبحنى هـ النعس مانمت شهر مدري!! سنه مدري!! أو إنه يوم تبين الـصـدق مـــاأدري ولكني أعرف اني تعلقت بـ جناح النوم تلحفت الحزن والصمت وقـــسـم مــانـمـت..!! دفـيـنـــي قولي شي مدري ايش لكن شي إذا قلتيه يصب الجمر في سمعي عشـــان أدفـــــــا بحاول كثر ماأقدر أغمض ع الحزن وأغفى قـــولـــي شـــي أية شي أية شي يخلي كل هـ الظلما تشيل الريح وحطى أيدك على راسي وإقري لـــي دعا وتسبيح قولي شـي أحس ف داخلي دمعه واخاف اتطيح دفيني أغص ف برد ياإنتي ولاتدرين أغص ف برد ياإنتي ولاتدرين أغص ف برد ياإنتي ولاتدرين أغص ف برد ياإنتي ولاتدرين قولي شي اية شي فى بالك أية شى يعيد النوم لـ عيونى يرد الاخضر الزاهي الــــى غـصـونـــي يوشوشني ويصب الدفء بـ متوني يصب الشعر ف أوراقي وياخذ حزني الباقي قولي شي مدري ايش والا ليش والا طيش قولي شي حكي دافي حكي فاضي قولي ايش مدري ايش أية شي يخلى هـ الحجر هذا وسادة ريش دفيني تعبت كثير ياإنتي تعبت كثير تعبت: ومابقي فيني مكان لـ جرح تبين الصدق أحسي حيل اتبعثر.. قبل ليله أفتش جرح ولقيته جرح ويخبي جرح وجرح أكثر قولي شي اية شي يعيد الروح مابي هـ العمر يتاثر ويمضي جروح قولي شي أية شي وهزيني بشوف الغيم يتراقص ويغازل شمس هزيني بشوف القمرا نعسانه وتهذى بـ همس هزيني بشوف النجمه طيارة ورق بيدى واسيرها لـ حكاية امس هزيني وأتساقط بكاء وصمت..!! أحسه هـ الجسد متعب وأحس إني سهرت اكثر من اللازم شربت الأدويه مانمت شربت هموم بعد هموم بعد هموم وعجزت آنوم.. وسولفت لـ دفا القهوة وكوب الشاي.. وإذا أغفى.. يثرثر ناي.. كتبت اوراق فوق اوراق فوق اوراق.. وقعدت أقرا شخابيطي على الكراس حكي فاضي وسذاجة فكر وهموم بكر وسهر مُضني وحكاية هم بدت تغتال ضحكة طفل.. ووجوه وحفل.. أحسه هـ الجسد شايل كثير أكثر من الطاقه.. وشاعر كان ليلة حزن يكتب لك شعر مجدب فب وقت يثرثر باسمك وينادي لك «هلا ياغيوم» ويمضي الليل ويطرحه السهر جثه كيف ينوم..!! عارف سرور صفحة الواحة في ملف ( PDF )