سيد احمد الجردلو ـ السودان

سيد احمد الجردلو ـ السودان تقول لي شنو وتقولي لي منو أنحنا الساس ونحنا الراس .. ونحن الدنيا جبناها وبنيناها.. بويت..في بويت وأسعل جدي ترهاقا وخلي الفاقة.. والقاقا تقول.. لي شنو وتقول لي منو تالا أبوي.. بعنخي لزم وتالا اللم.. أبوي أولباب وأمي مهيرة بت عبود وأخويا المهدي..سيد السيف والخلي النصارى تقيف هناك..في القيف، تقول لي شنو وتقول لي منو ونحن الشين ونحن الزين ونحن العقبه والعتمور ونحن القبله.. والقرعان ونحن الشان ونحن النان أتينا عشان نسوي الدنيا للإنسان تقول لي شنو وتقول لي منو ونحن الصافي .. والوافي، ونحن الشافي والكافي، .. ونحن الزاد ونحن العينه .. والزينه، ونحن – يمين – أهالينا أهلي سرور ووكتين ينزل المستور ترانه النور تقول لي شنو وتقول لي منو