لا تجيب سيره

عبدالله علوش يقول طاوعني ولا تجيب سيره ابنصحك ياعل في الامر خيره طوف علشان اتعدل امورك وجامل خصوصا فالامور الكبيره وسولف مع هذا وهذا وهذا وحتى اللي ما يفهم بشي استشيره رفّع لخلق الله وضبط معاهم الدنيا حرب اختار دورك وصيره اما تكون سلاح والناس هذي ذخيرتك والا تكون الذخيره ونافق وش فيها ياخي لما تنافق لا اول ذنوبك هذي ولاهي الاخيره واكذب ياعمي اصل الكذب متعه يكفيك من شره ويعطيك خيره واذا بلاك الله بقول الصراحه قول الصراحه فالامور الصغيره ازعجتنا بالصح والحق والصدق الصدق ما ودى عل الصدق ديره وخلص كلامه صاحبي وانا ساكت ومن عقب ذاك اليوم صاحبت غيره