الماسة

لبـا شموخ النحر لا منه لبس الماسة ولبا ملاقى الغالية لي حبها في قلبي كن العطر ويا هلا بأنفاسها نسناسه واهيم في ريح العطور إليا غدة تلعب بي كل ما كتبت الشعر فيها غنت الكراسة وكل ما هلكني الشوق صارت لي دواي وطبي تبر الغلا في غيبتي شكل لها أطعاسه حتى الاقيها وتروي الطعس وترحب بي لين استلذ الشوف بالشوف وبدت اجراسه وطاحت هموم الغياب ووردت لي دربي مياسة كل ما انشغلت اشتاق للمياسة واثور لا منها اندهتني طاير وملبي وهذي الحبيبة لا لفيت تصير مثل الكاسه إحساسها ورد حضنته واتوى من حبي في شوفها شوف الفريد اللي فنت اجناسه وفي ضمها ثورة شعر من هاجس المتنبي وبجيدها كن الحرير بجيشه وحراسه يبعد النسمات لا تجرح وجون محبي وفي عينها شعب الوله ناداني بإحساسه وبخدها ورد ليا منه خجل ينهب بي فتانة جذابه دعجا حور نعاسه كل ما ارمشت رددت هبي النسيم وهبي من لامني في حبها جعله فبلا وتعاسه ومن قال ربي يسعدك ثنيت له بياربي أيقونة الحسن البهي الاقحوان وساسه مليكة الفكر السلي دبي بخفوقي دبي احيان اقول انها خيال همت في احساسه واحيان اقول انها هناي وداي ويا طبي كل ما ابعدت كن الفواد مقطع بأمواسه واليا لفت كن السعد بان وقبل متخبي حبيبتي عذرا اذا باح الصدر هوجاسه على مسامع غيرج ولبلبته بيا لبي لبا شموخ النحر لا منه لبس الماسة ولبا ملاقى الغالية لبى حبها في قلبي