أقسى الغياب

أقسى الغياب اللي يجي ماله اسباب وانت تمادا في غيابك.. وتعلم..!! أني انا أغليك واحسب لك احساب وبيت لك في القلب مبني ومعلم وأهديت لك شاعر رقى كل مرقاب ولملمت لك أحساس ماهوب ينلم واللي خذا منك.. جماهير وأعجاب وغيرك يقول: الله من قال يسلم أدخل بوسط القلب لاتطرق الباب وأصعد على سطح الغلا دون سلم ولو يلسعك من عاذلي سم كذاب لاتقطع حبال الوصل واتألم أدنى طموحات العدا.. نصبح اغراب لو أقلموني بغيبتك.. ما تأقلم قل للحسود اللي ملا عينه تراب الله على الضلام والبادي أضلم خله يبث السم من بين الاصحاب وخله يمثل بالكلام... ويفلم لاترتخي مادام مسيت الاطناب وقل للعذول اليوم.. اسلم وسلم احذر من الشجره ترى تحتها داب دامك تعلم يالغلا ماتْعلم ولاتطري جروح معاناة وعتاب عن الوصل والحب.. ياخي تكلم أذيتني... بغياب و غياب و غياب أحلم، قبل لاتنوي الغيبه، أحلم ترى المفارق ماهو من طبع الأحباب هذا على ما قيل....!! والله أعلم!!