السنين تمر...

أصدق يوم صار الظل يفضح عاري الأشجار بأن اللي اترسم في الأرض حزن يشبه أوجاعي ترى اللي باح للشمعه الأخيرة آخر الأسرار ذوت عشرينه البارح.. وراحت ما لها ناعي حبيبي.. والسنين تمر لا فرحه ولا تذكار أحس اليوم أحلامي العتيقه تلوي ذراعي نويت أنازع الذكرى وأعيش بلا هوى أو دار عناويني عيون الجائعين وشاعر واعي نذر للحزن أشعاره وتركها تواجه الأقدار عساها الموت لو صارت غريبه مالها داعي أفتش عن هروب ما تحاصرني به الأسوار مدى فاضي.. وناي وافي وأصير له راعي أبعزفني إلين يجاوب الصخر ويقول أشعار واحلق لين ما هذي النجوم تصير في قاعي حبيبي علمتني الأرض إن الراحلين كثار وأنا الغافل أطوق سنبلات الحلم ب أضلاعي تعلم كيف تمشي بليلة وحدك مع الأمطار وحاول ما يبكيك الحنين ان غادر شراعي أنا أدري بعد هذا الضعف مثوى تحرسه الاحجار ما دام ان العمر راحل تولم ساعة وداعي وصلت لمغرب النور ولقيت ان السنين قصار تعب وعيوني رسالة حنين والشعر ساعي إلى الشمعه الأخيرة اللي انطفت عن آخر الأخبار بعدني مختنق مني وأوضاعي هي أوضاعي أكذب وجهي الضاحك وأصدق ظله الأشجار بإن اللي انرسم خيبة سنين تشبه أوجاعي عبدالعزيز العميري