نصار الظفيري
nassarsaafaq@
رجاءً.. انهي الموضوع وافهمني
انا ماعندي استعداد.. اسمع لوم
انا جيتك بقايا إنسان.. ارحمني
انا ماجيتلك.. ناقص تعب وهموم
حبيب العمر.. تكفا قوم لملمني
تعبت أقول.. هذا حظي والمقسوم
يكفي هالزمن ياخلي ظالمني
حرام أصير انا في كل شيء مظلوم
أبي مره.. بعين الفرحة ترسمني
تخلي هالسما فرشي وغطاي غيوم
وأبي مره اجيك وهمي هازمني
واروح وهمي من فرحي معك مهزوم
انا من وين بلقا الراحه علمني؟
وأنا من وين ماصديت اجي مصدوم
ولما طحت!.. جيتك قلت قومني!
لقيتك انت والدنيا.. عليه قومة