هتان المطر - htanalmtar@
ذبلت اغصان المواصل للجفا
واشتعل في وسط خفاقي حنين!
كنت ذآخرهم على نفسي وفا
كنت وافي لكن جحاف السنين!
****
انزفت حزن القصايد في طرف كلمة
مرة شفاتك سليلة توصل لسمعي
ياكيف هانت على قلبك وهو سلمه
ما يعطي الا المحبة لو جفا طبعي
يا سيد الروح.. فيك الروح مهتمه
يا كيف تبدي الفراق ومرجعك ضلعي
اسقيتك احلى عطايا الحب في ضمه
واسقيتني كاس لا حقي ولا شرعي
****
ما اخذت الا خفوق بالغياب
ولا تركت الا صويب بالهوى
المحبة وصل وان طال العتاب
اعرف ان القلب بالهجر انكوى
اصعب مشاعرنا سكن بيتها خوف
بين اربعه جدران قلبي ذخرها
ما تنحكى لناس ولا تلحق الشوف
الدين والعادات ساس وحجرها
****
عشان الباكر الموعود ذخرنا كل امانينا
.. ورتبنا لنا موعد لقى باحلامنا نعيشه
بدايتها عناق وشوق وحكاية تنتهي فينا
ويجي باكر وامانينا تطاير كنها ريشه..
****
اعوذ بالله من حزني وتقصيرك..
ومن شر هرج العواذل لاحكوا فينا!
ياما بصوت المحبة قلت لك: هجرك..
لا يأخذك والسنين العوج تمحينا!