حمود العجمي - h_alj@
هي ويش الاشعار في نفسي وسلواها
يا غير حزنٍ.. من ايّامي تبنّاني!
اسلّي النفس بـ اشعاري وذكراها
واشوف نآي الحزن يعزف على الحاني
ما اظن الايام.. تجمعني بـ شرواها
تجبر خواطر فؤادي، وتكسر اوزاني!
تزيح عنّي غثا الدنيا.. ومسراها
لا قالت احبك فـ قلبي عن لساني!
في كل يومٍ يمر.. اموت واحياها
لا ناظرت عيني/ آحس العمر فاني
كثر ما ناظرتها عاجز لا أرواها
أحس فيها جمال يكسّر أحزاني
تبليني الذكرى، ويا زين بلواها!
من بعدها صدر ضيقي ماهوب حاني،
اخاف الايام مدري خايف انساها
وفراقنا الاوّلي يفرق عن الثاني!