الكبير اللي بأفعاله كبير
لا علاقة في العمر لو ينصفون
دوم متسامح ولا ينسى العشير
لا من احتجته معك دايم يكون
في وجوده تدري الدنيا بخير
وبمكان دون قدره.. ما يكون
لا انكسر خاطر أهو عون وجبير
والشديد يلين له غصب ويهون
كل ناقص يسفهه..لأنه كثير
وكل وافي واثق انه ما يخون
دوم متواضع مع كبير وصغير
يبتسم للناس ولو قلبه محزون
ما يتكبر غير ناقص أو حقير
دون أرضك يا الشجر ما تثمرون
في زحام الناس تدري انه الأمير
الشموخ يبان واضح في العيون
ما يساوم في الكرم لوهو عسير
وما يمن إذا عطا عزوه وعون
للعدل ميزان واضح ما يجير
والمواقف تحكي عنه من يكون
كل طير خلف أشكاله يطير
ونعم لله في خلقه شؤون
من تكلم خلف ظهرك يا كبير
الردي واللي سمع يتشابهون
ومن يمد الخير يلقى منا خير
ومن يصون الود.. كنا له حصون
[email protected]