دخلت الفنانة رنا سماحة على خط الجدل الدائر خلال الساعات الماضية، بعد الرسالة المؤثرة التي كشف خلالها الملحن والمطرب نادر نور عن معاناته في العودة إلى الساحة الفنية، مؤكدة أن الأزمة لا تخصه وحده، بل تمثل معاناة جيل كامل من المبدعين الذين يصطدمون بغياب جهات الإنتاج وضعف الفرص المتاحة، بسبب عدد النجوم القليل الموجود على الساحة الغنائية.
وكتبت رنا عبر خاصية القصص المصورة الملحقة على حسابها الرسمي بـ «فيسبوك»: «بالمناسبة ده اللي بقالي سنين بنعيش أنا وجيلي فيه، تعالوا نحسب كده في كم مبدع وقصادهم كم نجم موجود في السوق عنده إنتاج قوى.. حسيتوا بالفرق؟ الباقي بقى من أبناء جيلي المطحونين في الأرض اللي بنشتغل وبننتج لنفسنا هنقدر ندفع لحضرتك أجرك؟! طيب هل هتشتغلنا من غير ما تاخد أجر؟! طيب هنشتغل مثلا إنتاج مشترك؟! الإجابة لأ، هي مشكلة عامة يا جماعة».
وأضافت: «5 آلاف مبدع بيبعتوا لـ 5،6 في السوق من اللي هيدفعولهم سعرهم اللي مش هياخدوا أقل منه، ولا حد فيهم عنده طاقة يقف جنب حد من الجيل الجديد اللي بيشقى وبيشتغل على نفسه بمقابل أموال قليلة لا تذكر، إحنا بنصرف على الأغاني فلوس رايحة مبترجعش عشان بنحب شغلنا وعايزين نبقى موجودين، فالحل؟! في زمن مفيهوش جهات إنتاجيه واضحة وصريحة، هل عندكم حلول؟». واختتمت: «هتكلم عن نفسى أنا كواحدة مطربة منتجة عايزة أفضل موجودة بشتغل مع الجيل الجديد اللي بيقبل بإمكانياتي المحدودة جدا، وأعتقد كل شباب جيلي زيي، يبقى يا ترى المشكلة فين؟».