حدث «مكلبش» هشم رأس عسكري بطابوقة واتصل بأمه ليبلغها بالجريمة

انا اللي اشوفه بالصوره انه الكلبشه في اليد اليمني للقاتل والقتيل يعني الحين افهم انه القاتل كان راكب السياره ومعطي ظهره حق الشارع ولا انه كلبشه عقب ما وقف في هالحاله انه كلام القاتل غلط الكلبشه بالصوره باليد اليمني

عسكري ومتهم بقضية سرقه بالاكراه وقاعد يمارس شغله عادي!بس مااقول الا كفو على هالصبي"الفحل"اللي دافع عن عرضه بيد وحده وماخاف من هالشرطي رغم حداثة سنه"انا لو من اهله احط له نصب تذكاري بنص الحوش واعلق صوره على السطح"!اما بالنسبه لهذا الشرطي فلو كان صحيح انه حاول اغتصاب هذا الولد فهو والله مايستاهل دمعه تنزل من عين احد عليه!اتمنى من وزارة الداخليه"غربلة"الوزاره وطرد كل صاحب يد ملوثه لان رجل الامن اهم من الطبيب والمهندس والمعلم فهو المستأمن الاول على حياة البشر واعراضهم واموالهم!

من النظر في الصور وطريقة الكلبشه يتبين 1\الشرطي مقتول من اكثر من شخص 2\الدم الي في السياره و الشرطي بره السياره الشرطي قتل في مكان اخر غير هل مكان وتم تفتيش المركبه شي يبونه والله اعلم والدم الي على الورق المبعثر 3\من هندام العسكري الله يرحمه يتبين ان تم سحله والدليل ارتفاع القميص

هذا العسكري لا يمثل رجال الامن الشرفاء. هذي الواسطة و ما تسوي. الواسطة هي اسم اخر للفساد.

أول شي من الصور الجريمة وقعت داخل السيارة ، طيب كيف راح الحدث بره السيارة وأخذ الطابوقة ؟؟؟ والكلبشة بيده وبيد العسكري !!! أنا شخصياً غير مقتنع بالأحداث كلها وهناك أداة ثانية غير الطابوقة وربما سلاح العسكري الذي بحوزته أخذه الحدث وأطلق النار عليه ، لكن طابوقه وبإيد وحدة والعسكري إيد وحده ومايقدر يدافع عن نفسه هذا كلام مايدش المخ .

هذيل رجال امن والا رجال رعب شلون بأمن على نفسي اذا وقفني واحد من الشرطه وش دراني اهوه شنو صاحي والا مو صاحي المصيبه ان سكتنا ابتلينا وان تكلمنا تبلو علينا يعني شنو الحل يا وزاره الداخليه وصلت للخطف والاعراض وتدرون عن تصرفاته ومخلينه لنا عيل اكيد مثله وايد

ان كان المقتول مظلوم الله بياخذله حقه بالاخره وان كان ظالم فياويله من الله وراه عقاب عسير وتردله في عرضه ولو بعد حين وان كان القاتل مظلوم الله ينصره ويساعده على بلواه وان كان كاذب فياويله من الله ومن ازهاق الروح بالباطل.يعني الغلطان فيهم مايقدر يفلت من عقاب الله.حتى لو الناس شوهو سمعة المظلوم ووقفو مع الظالم ايا كان تبقى قرقه ناس على الفاضي ومايبقى الا عداله الله سبحانه اللي ينصر الحق وهو سبحانه العدل

قال الله تعالى وقوله الحق واحذرو كلام الله لا تصدقو انفسكم ولا من حولكم ولكن ثقو بوعيد الله حين قال(ومن يعمل مثقال ذرة خيرا يره ومن يعمل مثقال ذرة شرا يره)يعني اللي يسوي شر حتى لو شويه راح يشوفه يشوفه بالدنيا والاخره وهذي تعتبر مظالم والمظالم غير عن الذنوب.يعني المظالم اهي اذيه شخص لشخص ما تغفر الا بمسامحة المظلوم اما الذنوب وهي التقصير في العباده فبالتوبه يغفرها الله انتبهو الله غفور رحيم لمن تاب واصلح يعني صلح غلطه وهو شديدالعقاب على من تمادي فاختر ماذا تريد هل انت قدانك تتحدى الله بعزته هيهات

متخلفين هالزمن مافي أمان

صار ماكووووووو امان من رجال الداخليه