«مالية التربية»: المكافآت الممتازة لـ 27 ألف معلم وإداري في حساباتهم بالبنوك 24 يونيو المقبل بميزانية 5.5 ملايين دينار

سنة كاملة تتولدون في الأعمال الممتازة وبالاخير بس 200 دينار اخوى أصغر منى وتوه متوظف ما صارله 3 سنين واعماله الممتازه 500 دينار ليتكم وزعتوها وما أحد يدري فشلتونا الديره بخير ولله الحمد شمعنا صارت 200 للمعلمين اما موظفين الوزارة بتسئلون الديوان وانا متأكد انه بيوافق لكم لعبة عارفينها لكن روحوا منكم لله وحقي ماني مسامحكم فيه وراح اخذه ان شاء الله يوم القيامة من اللي تسبب فى هالأمر

ما هي المكافآت الممتازة ارجو الافادة

بدل لا تعطونهم المدرسين الكويتيين عطونا إحنا هالمكافئات علشان ندفعهم للمدرسين الخصوصيين اللي تارسين بيوتنا نتيجة فشل التدريس الحكومي ، والمدرس الكويتي بس يبي كادر وهو فاشل

خلوها لكم وزارت تاخذ بالالاف واهني المعلم ياخذ 200 دينار ووكيل الوزارة بالمكتب قاعد ياخذ 2500 الله كريم ان شاء مجلس الامة يقر كادر المعلمين وينصفهم بدل الوكلاء الوزارة الي شفطوا دم الميزانية

معروف من أول السنة انها 5 ملايين بس من وين جاءت 500 ألف الموضوع فيه إن ... زقوم على كل ظالم صدقوني جميع القياديين يُطبق عليهم الجدول الأول بينما الباقي يُطبق عليهم الجدول الثاني أنتهى الموضوع

فعلا حرام ولا يرضي الله أن يقرر كادر المعلمين للكويتين فقط الجميع يعرف أن هذه البلد هي بلد الخير والعطاء لجميع العالم فما بالكم بمن يخدم هذه البلد فالمعلم الوافد يخدم أبناء الكويت لذلك أرجو من المسؤولين النظر في انصاف المعلم الوافد لأنه يقوم برسالة سامية كأي معلم باستثناء الجنسية فالمعلم معلم لماذا تصرون على تثبيط همم المعلم الوافد بشكل دائم...... رجاء .. رجاء.. النظر إلى مجهودات المعلم الوافد بشكل آخر وشكرا لمجهوداتكم البناءة

كان الأجدر صرف اجور التصحيح عن الفترات السابقة وهذي رعاية المتعلمين والأهم الاسراع في صرف الكادر لأنه بدون صرف كله حبر على ورق وماننسى اخواننا الوافدين اللي راتب الواحد فيهم ما يكفي حق آجار البيت ومصروف عيالهم

يالمنصف لا تعمم مو كل المدرسين الكويتيين ما يدرسون عدل انا مدرس انجليزي وعندي 18 حصة بالاسبوع يعني 3 فصول طول العام الدراسي والحمدلله اشتغل بذمة وضمير وبشهادة طلبتي واولياء امورهم وبحياتي ما قصرت بدرس او حصة

يا المنصف بدل لا تقعد تتحلطم وتفتى بشي ما تعرفه روح جابل عيالك وتابعهم وخل يعتمدون على نفسهم مو بس معتمد على الدروس الخصوصيه انا معلمه لغه انجليزيه وشايفة الوضع اغلب الطالبات اللى عندهم مدرسين خصوصيين يتعمدون عدم الانتباه بالحصه وتضييع الوقت لانهم ضامنين انه اهلهم بيحضرون لهم مدرسين خصوصيين ولا تقعد تقول ان المدرسين الكويتيين ما يعرفون يدرسون لانه كل البلا بعيالكم اللى مدللينهم ولا تحاسبونهم وبالاخير لما تطلع نتايجهم الغير مشرفه تلومون المعلم