كاتب أغنية «واحدة تانية خالص»: دنيا سمير غانم بريئة من الإساءة للمرأة

دافع الشاعر، أمير طعيمة، عن أغنية «واحدة تانية خالص» التي كتبها وغنتها الفنانة دنيا سمير غانم، وردا على حملة الانتقادات الواسعة التي تعرضت لها عبر المواقع والمنتديات الإلكترونية واعتبار بعض الفتيات أن الأغنية تحمل إساءة للمرأة وتقلل من شأنها.وكتب أمير تدوينة قال فيها: «لما صديقتي الجميلة والفنانة متعددة المواهب دنيا سمير غانم قررت أن تعمل ألبوم، كل فريق العمل فكرنا إيه الفورمات اللي ممكن دنيا تظهر بيه عشان تبقى مختلفة وعشان تظهر بشكل يليق بيها خاصة انها بتعمل الألبوم ده بعد ما بقت من أهم وأفضل الممثلات في مصر، وبعد تفكير شهور وتجربة العديد من الأشكال توصلنا إلى أن أفضل حل إن دنيا تغني في موضوعات بتهم بنات جيلها وبالأخص السن اللي هي فيه». وأضاف: «وبعد نزول أول أغاني الألبوم حصلت حالة من الجدل الايجابي - من وجهة نظري - حول الأغنية، وأنا هنا عايز أشكر كل اللي قالوا رأي إيجابي ووصلتهم الأغنية بالشكل اللي إحنا قاصدينه، وعشان أنا بحترم الرأي المخالف وبيهمني جدا عايز أوضح بعض النقاط، فكرة إن الأغنية ضد حقوق المرأة وبتهين البنت وتلغي شخصيتها ده كلام - مع احترامي ليه - مش حقيقي».