حلا: شهر رمضان شهر رحمة ومغفرة

مفرح الشمري الممثلة السعودية حلا تستغل شهر رمضان بعمل «ريجيم» قاس حتى تظهر لجمهورها بلوك جديد بعد عيد الفطر رغم انها تعشق الحلويات. وتضيف في حديثها لـ «الأنباء» ان شهر رمضان شهر الرحمة وتقرب العبد لربه، وهذا الشهر فيه خير كثير، فإلى التفاصيل: حلا شخبارچ؟ ٭ هلا والله بـ «الأنباء». مبارك عليچ الشهر؟ ٭ الله يبارك بعمرك ويحفظك. شلون رمضان معاچ مع هالسنة؟ ٭ والله وايد زين مع انه الجو حار فيه بالنهار بس حلو هالشهر علشان الناس تتقرب من ربها اكثر. قبل الفطور شتسوين؟ ٭ والله ما اسوي شي «انام» وايد «تضحك» واحاول اذا كان عندي شغل قبل الفطور أؤجله لبعد الفطور علشان اكون مرتاحة. شكلچ تحبين الاكل؟ ٭ لا والله اصلا انا استغل شهر رمضان علشان اسوي ريجيم يعني مو ذاك الزود بالاكل. يعني انت الحين مسوية ريجيم؟ ٭ أكيد مع اني اموت بالحلويات بس لقيتها فرصة اني اسوي ريجيم علشان اطلع للجمهور بلوك يديد بعد العيد «تضحك». تتابعين التلفزيون؟ ٭ لازم خاصة اني عندي مسلسل يعرض حصريا على تلفزيون الكويت اسمه «غريب بين اهله» وأتمنى ان ينال دوري اعجاب الجميع. يعني ما تتابعين الا بس هالعمل؟ ٭ لا أكيد اعمال الفنانة القديرة حياة الفهد وسعاد عبدالله ومحبوبتي هدى حسين.