شجون وأحمد: عرسنا سيكون أسطورياً.. «نفس عرس الأجانب»

شجون: قلت لأحمد ما راح أكون حلال لرجل غيرك أحمد: شجون أمي وزوجتي وابنتي وحبيبتي والله يهدي العذالبشار جاسم زواجنا راح يكون غير، وعرسنا راح يكون اسطوري، بهذه الكلمات بدأت شجون الهاجري وزوجها أحمد البريكي احدث زوجين بالوسط الفني، حديثها الخاص والحصري لـ «الأنباء». العروسان يتواجدان حاليا باحدى الدول للنقاهة بعد ان قدما 30 عرضا مسرحيا لمسرحية «زين الى عالم جميل» على مسرح صالة التزلج. «الأنباء» هاتفت شجون وباركت لها زواجها، ودار حوار خصت به «الأنباء» أكدت خلاله ان عرسها هي وأحمد سيكون اسطوريا بكل المقاييس، وهذا نص الحوار: ألف مبروك يا شجون؟ ٭ الله يبارك فيكم يـ «الأنباء» وما قصرتوا. كلمينا عن قصة الحب اللي جمعتكم؟ ٭ والله شوف انا راح ابدأ من البدايات الاولى، احمد البريكي لما مسك اعمالي حسيته من قلبه انه يخاف علي وايد ويخاف على شغلي وخاصة في اختيار ادواري ولو تلاحظ اني وايد تغيرت من ثلاث سنوات تقريبا بسبة احمد، واختياراته الاكثر من موفقة بالنسبة لي كممثلة. وشلون تمت الخطوبة؟ ٭ قالي برمضان «أهلي راح يزورون اهلچ بالبيت»، وسألته: «ليش» فقال: «راح يخطبونچ لي». وشنو قلت له بصراحة؟ ٭ قلت له: «ما راح أكون حلال لرجل ثاني غيرك يا أحمد». انتوا حاليا مخطوبين ولا تزوجتوا؟ ٭ لا احنا في مرحلة الخطوبة وزواجنا قريب ان شاء الله. وشلون راح يكون الزواج؟ ٭ صدقني راح يكون مختلف. شلون؟ ٭ راح يصير زواج اسطوري وما راح يكون بالليل مثل بقية الاعراس، يعني راح يصير الصبح مثل زواج الاجانب وهذا كان حلمي من زمان. وبعد ان انتهت المحادثة مع شجون انتقلت سماعة الهاتف الى احمد البريكي ودار الحوار التالي: مبروك على خطوبة شجون؟ ٭ الله يبارك فيك وما قصرتوا يـ «الأنباء» دايما سباقين بالمواضيع الحصرية. كلمنا شلون بدت قصة الحب مع شجون؟ ٭ شوجي ماخذة كل قلبي وهالشي من زمان بس محد يدري عنه خصوصا اننا نعمل مع بعض من ثالث سنوات وعلى طول خطبتها. شنو اللي شدك فيها؟ ٭ كل شي، شجون اعتبرها اختي وامي وبنتي وزوجتي وحبيبتي. ومتى راح يتم الزواج؟ ٭ بأقرب وقت لاننا تونا خالصين من المسرحية ونبي فترة نقاهة. وهل صحيح ان العرس راح يكون الصبح مثل ما قالت شجون؟ ٭ نعم صحيح لاننا نبيه يكون غريب واسطوري بنفس الوقت وأحب اني اشكر كل اللي هنونا وانا وشجون نقول للعذال الله يهديكم.