كواليس

هجوم ممثلة هاجمت مدير إنتاج عملها اليديد جدام فريق العمل بعد ما حست بالتفرقة اللي قاعد يسويها بينها وبين كومبارس أول مرة تمثل لأنه هو اللي يايبها.. زين سويتي بچذي أشكال! تراث منتج مبتلش بعمره بعد ما قرر تصوير عمل تراثي مو لاقي ولا ممثلة تشتغل معاه لسمعته اللي مو زينة في الوسط الفني والمصيبة ماخذ منتج منفذ من إحدى القنوات وخايف انهم يسحبون التكليف ويطلع جذاب جدام مسؤولين القناة.. يا عمي وين انته ووين الإنتاج! أفكار مطرب وملحن يبي يصلح حال الساحة الغنائية من خلال أفكاره اللي راح تكون شي يديد مثل ما يقول بس مو لاقي الدعم من شركات الإنتاج.. أقول اصلح حالك وبعدين سوي اللي تبيه!