بالفيديو.. فاتن حمامة: «الشعب محتاج شوية فرح.. ولما ألاقي دور يناسبني مش هتأخر»

قالت الفنانة الكبيرة فاتن حمامة إن شعب مصر يحتاج إلى الفرح بعد الحزن، الذي عاشه خلال العامين الماضيين.وأوضحت «حمامة»، في مداخلة هاتفية على قناة «دريم 2» مع الإعلامي وائل الإبراشي ببرنامج «العاشرة مساء»، مساء الثلاثاء: «حاليا كلمة عيد فن وأعياد وحفلات محتاجين لها، ومحتاجين شوية من الفرح والشعب كله محتاج لده».وعن تكريمها في «عيد الفن» المقرر عقده، الخميس، في دار الأوبرا المصرية بحضور الرئيس المؤقت، المستشار عدلي منصور، بعد توقف دام 33 عامًا، قالت: «أول ما سمعت الحكاية دي فرحت، وأول حاجة جت في بالي أغنية عبدالوهاب (الدنيا ليل والنجوم طالعة تنورها)، وطول النهار والغنوة في ودني».وقالت: «معاملتي للفن ما تغيرتش، ودايما في تفكير إنه بيسمو بالنفوس، ويكفي إن الناس في السنتين اللي فاتوا كانوا في حزن والشباب اللي بتروح وحزن حقيقي في كل بيت سواء الواحد فقد حد أو ما فقدش».وأشارت إلى أنه طوال فترة حكم الرئيس المعزول، محمد مرسي، كان لديها اعتقاد أن «كل الجمال يعدم مش بس حتى الرسم أو السياحة، وكل حاجة جميلة في البلد كانت هتتشال وده كان إحساسي».وأبدت تفاؤلها بما ستشهده مصر الأيام المقبلة، بقولها: «مصر بترجع تاني تبقى مصر اللي عرفناها وعشناها»، مضيفة: «كلي أمل وحاسة إن كل شيء هايرجع تاني».وردًا على سؤال حول مدى إمكانية عودتها للساحة الفنية، قالت: «أنا نفسي مش عارفة، وقطعًا دلوقتي أقول صعب قوي وهتعب، ولو جه في إيدي ورق وسيناريو.. وألاقي الدور يناسبني مش ممكن أتأخر».