تجاوبت الفنانة فيفي عبده مع رغبة جمهورها في الظهور ببث مباشر عبر حسابها بـ «إنستغرام»، وكشفت للمرة الأولى ملابسات مرضها الذي يلزمها الفراش منذ فترة طويلة، مؤكدة انها أخذت حقنة لمست العصب بالخطأ، وتخضع حاليا لمحاولات طبية حتى تتمكن من استعادة الإحساس بالعصب.
وظهرت فيفي في البث راقدة على فراش المرض بوجه شاحب بدون مكياج وقالت: «مساء الفل عليكم من مصر أم الدنيا.. أولا بشكركم على حبكم وسؤالكم عليه وربنا يخليكم ليا، أنا عايزة أقولكم أنا بخير والحمد لله رب العلمين هو بس واحد إداني حقنة غلط لمست العصب ده كل الموضوع مفيش غير كده».
وأضافت: «الدكاترة بيرجعولي إحساس العصب تاني، لكن أنا كويسة جدا وفي نعمة، وعايزة أطمن كل جمهوري عليه، وكل المحطات اللي بتتصل بيا عشان أعمل مداخلات، أنا آسفة جدا لأن باخذ أدوية أعصاب فبنام وبقوم في أي وقت وأنا بشكركم جدا».
وبعد التفاعل مع حالتها الصحية، خرجت فيفي في مقطع فيديو لنشر البهجة والقضاء على حالة الحزن، ووعدت جمهورها بأنها ستعود للتفاعل مرة أخرى على «السوشيال ميديا» بعد شفائها من الوعكة الصحية التي تعرضت لها، مشيرة إلى أنها ستطل بـ «لايف» ترقص فيه لجمهورها خلال الفترة المقبلة، وقالت: «إن شاء الله قريب هكون معاكم لايف وأرقص واتطنط تاني كالعادة.. هما بيكبروا الموضوع أوي وبيموتونا ويصحونا على كذا مرة، حرام عليهم والله من الشائعات دي».