بالفيديو.. إيناس الدغيدي: «آثار الحكيم» كانت تقدم الرقاصات في الكباريهات

حلت المخرجة إيناس الدغيدي، ضيفة على برنامج "ليلة"، مع الإعلامية سمر يسري، والذي يذاع على قناة "النهار"، طوال شهر رمضان.وعند سؤال مقدمة البرنامج: آثار الحكيم بتاعت كباريهات؟.. جاء رد الدغيدي: "آثار الحكيم مش بتاعت كباريهات، هي قدمت البرنامج في كباريهات خلينا واضحين".وعند سؤال: ماسكة إيه على آثار الحكيم؟قالت: "لأ مش ماسكة عليها حاجة. ماسكة طريقة غلط في تعاملاتها مع كل الناس مش ممكن . إن في إنسانة بتختلف مع كل الناس هي اللي فيها حاجة غلط لازم تدور عليها يعني".وأضافت: "ماكانش في بيني وبينها أي حاجة أنا فوجئت بيها على الشاشة بتقول كلام غريب جدا أنا اساسا مفيش بيني وبين اثار لا عمل ولا صحوبية ولا حاجة وحشة ولا حاجة حلوة. أنا فوجئت انها بتتكلم كلام مالوش معنى . بترضي مين على حساب مين. يعني هي مرة من المرات قالت إن أنا ويوسف شاهين السبب في بوظان السينما المصرية".وعند سؤالها: أنتي عرفتي منين إن هي كانت بتقدم برنامج في كباريهات؟أكدت: "أنا كنت بشوفها في الشيراتون في النايت كلوب بتاع الشيراتون كانت بتقدم الرقاصة وبتقدم المطرب. أنا كنت بروح اتفرج . هي بتدعي إنها ماعملتش حاجة غلط في حياتها فأنا بقولها لأ انتي كنتي بتقدمي الرقاصات والمطربين وبتقعدي لحد 7 الصبح فأنتي مش بعيدة عننا يعني انتي داخلة في الوسط من زمان وعارفة كل حاجة".