تكليف

تكليف   التكليف اللي يعطونه مدراء إدارات التلفزيون للممثلين اللي يشتغلون في إداراتهم علشان يتفرغون لتصوير أعمالهم الدرامية في الديرة، قاعدين يستغلونه هالممثلين، خصوصا الممثلات غلط في السفر برة الديرة لتصوير مشاهدهم في عدد من الدول الخليجية مع انهم طالبين في كتاب التكليف تصوير اعمالهم داخل الديرة.. من أمن العقوبة أساء الأدب! خوف ممثلة خليجية خايفة من زميلتها اللي هددتها بفتح ملفها المتروس مشاكل معاها في حوارها المقبل في إحدى القنوات الخليجية، وهالممثلة الخوافة ما خلت أحد ما وسطته علشان زميلتها ما تنفذ تهديدها.. ننطر ونشوف! قضايا كاتب أعمال درامية منغث من تصرفات أحد المنتجين معاه، خصوصا بعد ما تعدى على حقوقه الفكرية، الشي اللي خلى هالكاتب يرفع عليه عدة قضايا لاسترجاع حقوقه بعد ما فادت مع هالمنتج محاولاته الودية.. ما ضاع حق وراه مطالب!