مسيرة
ممثلة بعد ما فاحت ريحتها وعافها المخرجين والمنتجين تفكر انها تسوي قناة يوتيوب علشان تفضح فيها كل من وقف ضدها لاستكمال مسيرتها الفنية على قولتها.. ننطر ونشوف!
دعوة
مقدمة برامج اعتقدت أن جمالها راح يخلي المسؤولين عن مهرجان عربي فني يوجهون لها دعوة بس المسؤولين عطوها طاف ورفضوا الواسطات اللي مرسلتهم.. الجمال جمال الروح!
نسبة
ممثل اختلف مع احد مدراء الإنتاج لأنه يبي نسبة من أجره بحجة انه السبب في مشاركته في العمل الاجتماعي اللي يصوره هالأيام واذا ما عطاه هالنسبة ينسى يناديه في أعمال ثانية الشي اللي طنشه هالممثل.. منشار مو مدير إنتاج!