سحب جواخير ومزارع مخالفة وإعادة توزيعها على مستوفين للشروط

الجواخير في منطقة كبد ومزارع الوفرة والعبدلي خصصتها الدولة لتوفير الامن الغذائي للكويت وزيادة الانتاج الزراعي و لسد النقص بالمنتج الخضرواتي بالسوق بالاضافة الى توفير مزارع لتربية الدواجن والاغنام والبقر في كبد لسد النقص بالاحتياج للبروتين من اللحوم ولكن للاسف اغلبية الجواخير والمزارع اصبحت الان استراحات وشاليهات للوناسة والراحة بل وقام البعض باتجيرها للتنفيع سواء للترفيه او تاجيرها لبعض المقاولين لاستخدامها كماخزن معدات او ورش ،، والسبب بالتراخي بتطبيق وعدم الرقابة من اجهزة الدولة ولاوجود للعقاب

العدل والمساواة بين المواطنين

شوفوا الحسابات المتضخمه شوفوا الجسور شوفوا الطرق والتعاقد بالباطن الشق عود ، متى نفرح باليوم اللي ....... وافهم

الحل الامثل هو تاجير المزارع 10 سنوات للمواطن فقط ومن ثم اعادة تاخيرها لاخر حسب الجدول الدور النقدم من المواطنين الراغبين ،،، وعلى ان تراقب المزرعة من قبل الدولة وسحبها لمن لم يستغلها للزراعة

صدقت يا بوعيسى وحاليا صرت اشتري لبن وحليب فرش من مزارع الوفره ينباع بسلطان سنتر ببطوله قزاز وصراحه روعه بالطعم والشكل وله قسم خاص هناك لأني اشجع المنتج المحلي وبقوة

الجواخير والمزارع للاسف تم استغلالها منتزهات وأصحابها الأصليين اخذو أسعار.خياليه ولا يجب بعد ارتفاع الاسعار ان يتم سحبها من أصحابها الجدد لان الهيئه سمحت بالتحويل واوهمت الناس بأنها الشويخ الصناعية الثانيه اللي المتر 100 فلس ولا احد سحبها . أدبيا عدم فتح باب السحب لانها كارثه .

الجواخير والمزارع لو انتو عندكم كان ماتكلمتو وسويتووو الي تبون لنها من ممتلكاتكم وانا ماعندي لا مزرعه ولا جاخور لكن ماحسد اهل ديرتي وناشبهم تكلمو بشي مفيد بديره بشي واقعي بشي معماري مو تكلمون بجواخير ومزارع اذا انتو ماعندكم مجال بزراعه ولا بتربيه المواشي رجاء خاص لا تحسدون غيركم وقولو عسى الي زقهم يرزقنا وبس

والله زين تسوي الحكومه الجواخير صارت ملاذ لتجار المخدرات والسكر والعربده نشد علي يد الحكومه بتطبيق القانون بحزم وعدم التراخي فيه لتنظيف البلد من المافيا

بختصار شديد وعدم كثرة كلام عندك حلين يا تعوض اصحاب الجواخير ولا كل واحد يحط لسانه بحلجه وربي ما املك جاخور بس الحق ينقال الحين الحكومه متراخيه وسامحه بالتحويل ومافي مراقبه وارض مساحتها 1250 طبيعي تبي ترتفع الاسعار ووصلت اقيام خياليه والناس دفعت شلون اتراخا وفجأه تبي تسحب انا اتوقع كارثه واللي يقولون سحب هذا حاسد واضحه خله الفساد كله وراح للجواخير اسكت ولاتعم على نفسك ياحسود

ياجماعه شوفت عينكم البلد مافيها سياحه و لا جو يساعد يعني الي دفع ماوراه و دونه و اشترى جاخور و خلاه متنفس لعياله لاتحسدونه و اذا على الغنم بيحط جم راس و هذا مايمنع انه ينتفع فيه و يصير منتزه لاهله و مو عيب .