مواطنات يتقدمن بشكوى ضد القطري المتهم بدهس أحمد أسد

حقا انك يافيصل العتيبي نموذج للمحامين الكرام الذي يظهر معدنهم الاصيل في الازمات لك الاحترام والتقدير

واضح ان البلاغ كيدي والله اعلم لكن لماذا الان ولم يقدم البلاغ في وقتها ان كنتم علي حق

حسبى الله ونعم الوكيل \اجل البنات مصدقين ان فى لوحة هذا تحريض من المحامية حورا وجوقة المطبلين ومحاولة ابعاد الكويت عن محيطها الخليجى العربي !!!واحب اقول كلمة لاهلنا فى قطر اتركوا عنكم الى يحاول يبث الفتنة بين الشعبين والكويتى قطرى والقطرى كويتى القطرى ولدنا وان شاء الله يشفى اسد ويرد القطرى لديرتة

غريبه انه من شاهد هذا الكلام على السياره لم يصور بالفيديو او الفوتوغراف بالايفون والوسائل الحديثه ليوثق العباره بالصوره وتكون حجه وبينه واثبات تدين المتهم

وين الدليل ولا اهيا فزعه غبيه اقول ترى الناس مو مدمغه اوكي والقطري طلع من ديرته مر بطريجه للسعوديه ومر على منافذ الكويت يعني الحين يتقنعونا ان محد عنده غيره على بنات الكويت الا أسد والباجي شنو خرفان ؟؟ اقول لا تقعدون تالفون لانه لو كانت صج العباره اللي تدعونها لولا بناتكم ما جيناكم لكانت السعوديه منعته من المرور لانه مو محدد اي بنات ؟؟هل يقصد الكويت ولا السعوديه وليش ماصورتوا العباره ترى ما فيه اسهل من التصوير عالطالعه والنازله وترى الخبراء يقدرون يثبتون اذا كان فيه عباره مكتوبه وانشالت ولا لأ

إذا القطري كاتب هالكلام على سيارته معقوله محد شافه قبل أسد وربعه ؟ وإذا البنات شافوه معقوله محد صور سيارته بالموبايل وعندنا حتى الياهل عنده آيفون أو جالكسي ‏!أو أحد إتصل على 112 ويبلغ الدوريات عنه ؟

واقص ايدي اذا البنات مو من ربع بروووو برووو وحجاب ابو حنج واقول لهم استريحواا بس محد خولكم تتكلمون بالنيابه عن بنات الكويت وموتوا بغييظكم خليجنا واحد ودمنا واااحد وما يفرقنا لا حاسد ولا حقود وأسد الله يشفيه ويقومه لاهله والقطري الله يفك عوقه ويفرجها عليه هذي حوادث عاديه وتصير في كل بلد فليش تهولون الامور وتكبرونها عندنا قضاء نزيه فلا تحاولون تاثرون على الراي العام لان الناس واعيه وفاهمه وماهي مدمغه وترى احان بالكويت ماكبرنا سالفة الولد السعودي اللي تحرش بالكويتي اللي رايح يحج مع امه واخته

دليل جديد بتعاون المخفر مع المتهم يجب فحص رقم شاصي الجيب ورقم المحرك.لوصول معلومة بانه تم نزع ارقام الجيب الذي فى الحادث وتركيب ارقام جيب رنج كويتي بنفس المواصفات عليه.مما يخفي اثار الجريمة النكرا.

والله لوان صدق كاتب هذي الكتابة كان صورها بعدين وش الشجاعة هذي

السلام عليكم حبيت اني اناقشكم حدث العاقل بما يعقل احنا الحين في جيل البلاك بيري والايفون اوك وكل الكويت عندها بلاك بيري وايفون معقله ولا واحد منهم صور الجمله القضيه ما راح تكتمل الى والصوره موجوده عيب عليكم الناس ضيوف جذي وانتم تتهمونهم وربي عيب شنو رايح يقولون عن الشعب الكويت وحنا اكيد لنا غيره على بنات ديرتنا بس لنا غيره اذا كان الدليل موجوووود واسف اذا كان كلامي ضايقكم والسلام عليكم ورحمة الله وبركاته