خلّك معي

خلّك معي لو كشّر الوقت نابه لا تاخذ اطباع النّفوس المريضة مستحلي اجواء الحزن والكآبة سوّيت من لا شي قصّة عريضة ما راح تلقى في الأغاني إجابة لا عاد تهديني سوالف بغيضه أنا أعبّر عن شعوري كتابة مالي ومال اللّي يغنّيه عيضة كم قلت لك فيك الأمور اتّشابه دوّرت فرحي والتقيت بنقيضه قلبي كتوم وضاع منّه صوابه من حر غيضه باح مكنون فيضه يا صاحبي حنّا ترانا غلابه يلعب بنا هذا الزّمان ونغيضه مثلك يزعزع كبريائي غيابه ومثلي ليا من راح والله غميضه وصلٍ يذل النّفس لا مرحبا به والحب سنّة والكرامة فريضة قلبك إذا ما شال هم السّحابة ما هو طموحي أستقر بحضيضه ولو خلّفت أمطار وصلك خرابة عادي يموت الشّوق من حر قيضَه للشاعرة: شموخ (زينب البلوشي)