تدور السنين

نواف بن جهيم Bn_jhyem@ تدور السنين وتكتشفها مع الأيام                      تشوف الظروف السود تعمل عمايلها تشوف الضعيف ودمعته دمعة الأيتام                      وتشوف الشجاع اللي يقابل هوايلها وتقيس الصبر والباس لا ماتت الأحلام                       ليا ضاقت الدنيا وجفت مخايلها وتعرف الرفيق الوافي الحر والمقدام                       يوقف معك وقفة.. تبين صمايلها إلى قلت له قدام يمشي معك قدام                        طبوع الرجال اللي تشرف قبايلها يزيح الهموم ويفرحك حزة الأوهام                        يذريك من شمس الدهر في قوايلها سلايل رجال الطيب ما تترك المنضام                        لها صيت طيب لا طرا لك سلايلها لكن الردي ماني مخاويه لا من قام                         ما دام الفعول البيض ماهوب طايلها إلى من تجمل فيك تبقى الجماله عام                          يذكرك وأهل الطيب تنسى جمايلها قبل تقفل الصفحة قبل تنكسر الأقلام                            يا طيب الرجال اللي تشرف فعايلها