Note: English translation is not 100% accurate
الوقت وظروفنا
24 أكتوبر 2014
المصدر : الأنباء
فراج القرقاح
الوقت وظروفنا، مرسم وكراسه
وحظوظنا تنكتب، واشواقنا حيه
وقلوبنا، ماهي ب للناس عساسه
لكن في عشقها والحب، عفويه
والشوق عزمه قوي، ومقوي باسه
مشاعر، ما خذاها القلب عاريه
والصدر طبعه كذا ما يلحق انفاسه
اليا هوى، والهوى ما فيه حنيه
والعين لامن وطاها العشق ب احساسه
تهل دمعاتها، شوق ومحنيه
ياللي تقول الهوى له نهجه، وناسه
ب الهون، لا تجرح إحساس الهواويه
ولا كل عاشق، صفا جوه ونسناسه
كم عاشق ما حلم، ب أحلام ورديه